Брошура за Стара чаршија

Дуќаните, занаетите и знаменитостите во Старата чаршија ќе бидат набројани и обележани во брошура. Градот веќе објави оглас за дизајн и печатење на брошура за Старата скопска чаршија.

„Ќе подготвиме џебна брошура во која ќе биде содржано се’ што има Чаршијата, и објекти и занаети. Во брошурата ќе има и мапа со опис на посебните места. Ќе се отпечати на македонски, албански, турски и англиски јазик, во тираж од 40.000 примероци“, велат од Град Скопје.

Брошурата за Старата чаршија ќе се дели бесплатно. За нејзиното дизајнирање и печатење Градот предвиде 476.190 денари.