Брисел побара Бугарија да запре со „Јужен тек“

Европската комисија побара од Бугарија да запрат сите активности во врска со изградбата на гасоводниот систем „Јужен тек“ на нејзина територија. Доколку оваа одлука не се почитува, случајот би можел да добие судска разврска, изјави Сабине Бергер, портпарол на еврокомесарот за енергетика.

„Комисијата јасно им кажа на сите членки дека инвестициите во инфраструктурата, како што е Јужен тек, мораат да бидат во согласност со европските закони, со условите за конкуренција, со регулативите за енергетика, да се почитуваат процедурите за јавни набавки. Договорот на Бугарија со Русија не е во согласност со законите на Европската Унија“, додава Бергер.