Брисел даде зелено светло за контроверзниот брак помеѓу Баер и Монсанто

Европската Унија даде согласност за најавеното спојување на компаниите Баер и Монсанто. Се работи за еден од најконтроверзните проекти на спојување. Германската фармацевтска групација и американскиот агрохемиски гигант, со овој потег имаат амбиција да станат светски лидер за пестициди и семенски материјали. На тој пат, треба уште да се добие и дозвола од американските власти. По оваа операција која Баер ќе го чини 51 милијарда евра, фармацевтите ќе станат водечка сила и во областа на земјоделството и агрохемијата.