Брегот на пешаците, а не на зградите: Фостер и дава нов лик на Ларнака

Компанијата Foster + Partners во соработка со кипарската нафтена компанија Petrolina Group, го претстави проектот на новиот мастер план за трансформација на брегот на Ларнака во одржливо и пријатно опкружување за неговите жители, идните генерации и новите посетители.

Еден од најважните историски градови на Кипар, како и трет по големина град на островот, ова познато одморалиште има за цел да редизајнира една од своите главни артерии, патот Ларнака-Декелија, за да го направи подобар за пешаците, заедно со брегот.

КАТАЛИЗАТОР ЗА ШИРЕЊЕ НА ГРАДОТ

Предлогот на Foster + Partners има за цел да ја подобри еколошката вредност на земјиштето и да ја удвои должината на брегот која е достапна на јавноста.

Новиот развој е кохерентен со постојното урбано ткиво, а во исто време се стреми да стане катализатор за ширење на градот кон север.

Планирано е разновидни елементи на планот да бидат поврзани со улици исполнети со дрвореди, како и уредени плоштади, велат од Foster + Partners.

Планирано е и постојните водни канали во градот да се преуредат, како би биле попогодни места за живеење на локалните диви животни, а и да донест дополнително зеленило во зоната кон брегот.

Локалниот пат Ларнака-Декелија, исто така, ќе претрпи трансформација за да биде попријатен за пешаците.

ПРИРОДНО ПРОДОЛЖУВАЊЕ НА УРБАНОТО ТКИВО

Новиот развоен план се наоѓа помеѓу еколошките зони кои ги поврзуваат внатрешните области со крајбрежјето.

Планирано е овие нови делови од градот да имаат само ниски згради кои се повеќе во склад со човечките пропорции, а сепак во склад со начинот на создавање природно продолжување на постојното урбано ткиво.

Планираните интервенции имаат за цел создавање нови можности за жителите, активирање на брегот и натамошен развој на локалната економија.

За време на развојот на проектот, Foster + Partners тесно соработувале и со градските власти за да развијат поширока стратегија на мобилност за поврзување на областа на мастер планот со остатокот од градот и поширокиот регион.

„Мастер планот го задржува и го подобрува карактерот на градот, истовремено создавајќи нова возбудлива визија за неговата иднина. Нашиот пристап е развиен во тесна соработка со градските власти, надоврзувајќи се на клучните општински иницијативи кои промовираат одржлив и сеопфатен урбан развој“, рече Бен Скот, постар партнер во Foster + Partners.