Порта3 – градежништво, архитектура и екологија Порта3 – градежништво, архитектура и екологија
Владата на Федерацијата БиХ, го усвоила предлогот за измени и дополнувања на Законот за електрична енергија во БиХ, со кои се запира издавањето дозволи за изградба на мали хидроцентрали (МХЕ) со инсталирана моќност до 10MW. Инсталирањето на вакви хидроцентрали во иднина ќе биде дозволено само на гравитационите водоводи. Истовремено, се дефинира и поимот – мала хидроцентрала. Во јуни 2020 година, Претставничкиот дом на Парламентот на Федерацијата БиХ, усвои декларација за заштита на реките и гласаше за забрана на малите хидроцентрали. Тогаш е речено дека Владата на Федерацијата БиХ има рок од три месеци да ги предложи измените на законот и да ја воведе забраната.
Досегашниот Закон во Федерацијата БиХ, нема прецизна дефиниција на поимот мала хидроцентрала, а граничната моќност се разликува од земја до земја. Во Европа, се повеќе се прифаќа капацитет до 10MW инсталирана моќност, како горна граница која е поддржана и од страна на Европското здружение на мали хидроцентрали (ESHA) и Европската Комисија.
