Битола ќе гради пречистителна станица со средства од ЕУ

Обезбедени се приближно 29 милиони евра за изградба на пречистителна станица за отпадни води и колекторски систем во Општина Битола, од кои 85 % од ИПА фондовите, а 7,5 милиони евра од Владата на РМ.

„Во пролетниот период треба да се објави јавна набавка за избор на ревизија на проектот, надзор и изведувач, а до крајот на годината да се потпишат договорите за изградба и ќе започнат активностите. Согласно предвидената проектна динамика, Општина Битола до крајот на 2020 година или најдоцна до почетокот на 2021 година, треба да добие пречистителна станица со која е предвидено собирање и третирање на отпадните води во Битола и околината“, соопшти Општината.

Во моментов не постои пречистителна станица за отпадни комунални води во општината. Комуналните отпадни води од домаќинствата се испуштаат директно во реката Драгор, која е екстремно загадена, а минува низ центраот за Битола.