Биоразградлива батерија од хартија

Најголемиот проблем на денешните мобилни телефони е траењето на батеријата. Постојаното следење колку е полна батеријата и носењето полнач секаде со себе е единствено решение. Но, работите наскоро би можеле да се сменат на подобро. Дизајнерот Цунг Чи Хсиен ја развил идејата за мали мобилни акумулатори кои на корисниците на паметни телефони значително ќе им го олеснат проблемот со краткото траење на батериите. Иако оваа идеја не е нова, овој дизајнер отишол чекор понатаму бидејќи неговиот производ „Mini Power“ е преносна батерија која е изградена од хартија и која е биоразградлива. Уредот е во различни верзии кои се разликуваат по времето на траење, односно два, четири и шест часа.