Биомиметички индустриски тенденции во истражувачкиот центар Тексоверсум

Објектот Тексоверсум е резултат на работата спроведена од тимот предводен од Алманвапнер во соработка со Шефлер Архитекти и дизајнот на фасадата на Јан Ниперс инженеринг. Лоциран во градот Ројтлинген, град во Баден-Виртемберг, во јужна Германија, Тексоверсум е дел од проширувањето на кампусот на Универзитетот за применети науки Ројтлинген и содржи канцеларии, работилници, универзитетска продавница, области за соработка и работен простор за роботи со ЦПУ.

Алманвапнер, Шефлер и Ниперс инженеринг, развија мрежа од стаклени и јаглеродни влакна за обвивката на Тексоверсум, првата зграда од ваков вид со фасада исткаена од јаглеродни влакна и стаклени гранули. Универзитетска зграда за текстил што на својата фасада го прикажува истражувањето на Универзитетот во Штутгарт, со долгогодишно искуство во развивање биомиметички павилјони од интерес за хортикултурниот саем Бундесгартен, во Германија.

Фасадата е составена од пет типа триаголни панели со димензии приближно четири метри ширина и еден и половина метри висина. Секоја произведена со помош на автоматизиран процес на намотување развиен на Универзитетот во Штутгарт. Произведени од FibR GmbH, панелите слични на мрежа, направени од бели стаклени гранули обложени со црни јаглеродни влакна кои додаваат структурна поддршка. Бидејќи производството на ваквите типови панели се прави по нарачка, не се создава вишок отпад.

Процесот на автоматско намотување што се користи за фасадата претходно се користел во дизајни на павилјони, вклучувајќи го павилјонот Елитра Филамент во музејот В&А во Лондон и павилјонот БУГА Вуд на изложбата за хортикултура во Германија.

Наставниот, истражувачки и иновативен центар за трансверзални технологии во текстилната индустрија наречен Тексоверсум, како проект беше развиен и изграден во рамките на новиот урбанистички план за проширување на кампусот на Универзитетот за применети науки Ројтлинген.

Конструкцијата од текстил е тема која се проткајува низ дизајнот и во функционалниот аспект на објектот, преку различни дисциплини и активности во ентериерот, со репрезентативната репетитивна надворешност што ја прави зградата толку посебна.

Секоја плочка е дизајнирана врз основа на пет шаблони и распоредена да го следи патот на сонцето, создавајќи уникатен повеќеслоен изглед. Сите плочи се самоносечки и не бараат посебна потпорна рамка. Аголниот распоред на плочките овозможува непречен поглед на околината. Освен што ги исполнува барањата за заштита од сонце, како и други практични функции, фасадата е и естетски привлечна.

Основните елементи на транспарентноста и меѓусебната поврзаност видливи во архитектонскиот дизајн продолжуваат и во конструкцијата. Внатре, Texoversum има отворен, транспарентен дизајн на две нивоа. Подовите се извлекуваат на интервали на половина ниво и визуелно се испреплетуваат во атриумот, кој ги поврзува различните делови еден со друг и во исто време формирајќи просторен континуитет кој кулминира во пространа тераса на покривот. Внатрешниот дизајн има изразито индустриски карактер со завршени и недовршени бетонски елементи и технички тавани со изложени канали. Дизајнот со отворен план обезбедува заедничка работна средина за различни групи корисници, како и стимулативна платформа за споделување знаење.

Употребата на боја во внатрешноста ја нагласува флексибилната и неутрална природа на конструкцијата и просторно ги поврзува поделените нивоа. Континуираниот градиент асоцира на историските таписерии од Гобелин, додека ткаената фасада со своите отвори нуди поглед на околината одвнатре, исечоците им овозможуваат на гледачите однадвор неформален поглед на светот на работата во Тексоверсум.