Биомаса од озрачените шуми околу Фукушима?

Германската компанија Entrade Energiesysteme  ќе испорача 400 контејнерски електрани на биомаса кои ќе бидат поставени на подрачјето на префектурата Фукушима во Јапонија, која во 2011 беше погодена од земјотрес и цунами кои предизвикаа нуклеарна катастрофа во НЕ Фукушима 1.

Се истакнува дека секоја контејнерска постројка ќе има моќност од 20MW и ќе генерира електрична енергија во периодите кога енергија не ќе може да се произведува од ветерот или сонцето. Како гориво ќе се користи озрачената дрвна маса од шумите во областа. Имено, префектурата Фукушима планира целата електрична енергија до 2040 да ја произведува од обновливи извори.