BIG поврзува три кули во Милано со најголемата урбана електрана во Италија

Започна изградбата на зградата на BIG која визуелно ќе ги поврзе кулите во градската област CityWave во Милано. Оваа зграда со кров со препознатлива закривена форма ќе биде и најголемата урбана фотоволтаична електрана во Италија.

Познатото данско студио ја дизајнираше четвртата зграда во оваа населба, во која веќе се подигнати кули, потпишани од Заха Хадид, Даниел Либескинд и Арата Исозаки.

BIG победи на конкурсот за изградба на четвртата зграда со проект што носи слоган „да заврши, а не да се натпреварува“, а нивната идеја била на крајот целиот кварт визуелно да се поврзе со последната зграда што ќе се гради овде.

Зградата на BIG е, за разлика од другите, многу пониска. Со својот закривен покрив, визуелно го поврзува просторот и покрива голем заеднички простор.

Изградбата почна минатата недела, а BIG во исто време објави нови рендери на кои се гледа крошна целосно покриена со фотоволтаични панели.

Кровот ќе се протега до повеќе од 200 метри во должина, со околу 11 илјади квадратни метри фотоволтаични панели способни да произведат 1.200 мегавати годишно. BIG тврдат дека тоа е веројатно најголемиот урбан соларен кров во Европа.

Говорејќи на предавање за време на неодамнешната Недела на дизајн во Милано, основачот на BIG Бјарке Ингелс рече дека од него било побарано да изгради една или две нови кули за да го комплетира соседството, но дека неговиот тим одлучил да оди по друг пат.

“Кога првпат ја обиколивме локацијата, излеговме на станицата наречена Три кули. Мислевме дека може да создаде непотребна конфузија ако има четири или пет кули одеднаш“, рече Ингелс.

Така, BIG на крајот проектираше зграда од 12 и 22 ката, поврзана со закривена крошна. Ова создава врска меѓу кулите и создава нов влез во населбата што го интегрира CityLife со околните улици и инфраструктура.

Настрешницата ќе биде изработена од ламинирано дрво, а освен што ќе обезбеди сончева енергија, кривот ќе овозможи и собирање дождовница.

Во рамките на зградата, која се простира на 63 илјади метри квадратни, ќе има деловни и малопродажни простори.

Западната зграда на приземјето ќе има конференциски центар со аудиториум со речиси 300 места, како и ресторан на врвот на зградата.

Огромно скулпторско скалило визуелно ќе ги поврзе првите пет ката, додека серијата каскадни тераси под отворениот кров ги поврзуваат следните катови.

Источната зграда ќе има сличен распоред, но ќе има атриум и зимска градина на приземјето и првиот кат.

Двете згради ќе имаат внатрешни дворови кои обезбедуваат многу природна светлина и воздух.

CityWave веќе го доби платинестиот LEED сертификат и ќе се стреми да го добие GOLD WELL сертификат за квалитетот на животот во зградата, како и платинестиот WiredScore сертификат за поседување енергетски ефикасни дигитални технологии.

BIG се надева дека CityWave ќе биде готов до 2025 година.