Белградскиот брутализам инспирација за кафетерија во центарот на градот

Кафетеријата „Chernyi Cooperative Coffee Roasters“ во Белград е место од чиј ентериер зрачи силно чувство на брутализам, архитектонски правец кој стана препознатлив дел од авторскиот печат на студиото „Freya Architects“.

Станува збор за група талентирани архитектици кои се преселиле од Русија во Белград и веќе постигнале одлични резултати на овие простори, а доказ за тоа се нивните бројни проекти и меѓународни признанија.

Пристап кон дизајнот

Она што ги прави препознатливи ентериерите на Freya Architects е концептуалниот пристап и промислувањето на просторот. Тие истакнуваат дека нивниот дизајн произлегува од локалниот контекст, односно од идејата дека не е можно да се создаваат слични проекти во различни држави.

„Верувам дека овде не можеме да создадеме чисти и минималистички простори, едноставно не оди. Затоа црпиме многу инспирација од самиот Белград и неговата историја, пред се од брутализмот, како и од градското кое има многу текстури, графити и градилишта“, вели основачката на бирото Freya Architects.

Контекст, концепт и зонирање

Кафулето се наоѓа на впечатливо место, во историска зграда од 1921 година до последната белградска џамија преостаната од времето на Отоманската империја, во белградската општина Стари Град.

При реновирањето на зградата, прозорите на уличниот фронт се зголемени за да се овозможи повеќе природна светлина, додека материјалите кои беа урнати се задржани за да се зачува вековната историја и подоцна да се имплементираат во самиот внатрешен простор.

Главната замисла на овој простор била да се пренесе духот на Белград во помал размер. На пример, да се земе бруталистичка столб – да се скалира и постави во просторот како барска маса.

Дополнително, уште еден клучен аспект што го обликувал конечниот исход бил ограничениот расположлив буџет. Како резултат на тоа, одлучено е да се користат поекономични градежни материјали.

Покрај воведувањето на бруталистичка материјализација во просторот, идејата на авторките била зближување на луѓето. Долж целиот простор се појавува клупа во форма на лента создавајќи врска низ просторот, но и корисниците.

Главната цел на кафулето е да биде место каде што можете да се пие утринското кафе, да се одржи состанок или да се застане на појадок.

Како што наведуваат авторките, конфигурацијата на просторот и зонирањето директно влијаеле на организацијата и функционалниот распоред, па во овој простор препознаваме три јасно одвоени просторни целини.

Првата е тампон зоната помеѓу улицата и кафулето. Овој дел е како градски плоштад и затоа нема класично седење на маси. Овде авторките поставиле коцки од иверица, клупи и високи бетонски столбови во форма на цилиндар, за гостите да бидат подготвени за брза кафе пауза.

Вториот дел е светла сала со големи прозорци, помали маси и голема дрвена маса за оние кои сакаат подолги состаноци, додека третиот е изолиран простор со маси и клупа за луѓе кои сакаат да седат и да работат на своите лаптопи во coworking атмосфера.