Белград продолжува со проектот „Паметен град“

Град Белград потпиша „Меморандум за разбирање“ со кинескиот технолошки гигант Huawei, во врска со проектирањето и имплементацијата на проектот „Паметен град“.

Имајќи ја предвид намерата на Белград да изгради ефикасен комуникациски систем за овој прокет, компанијата Huawei  како еден од светските лидери на пазарот, ги понуди своите услуги во областа на комуникациските и информатичките решенија со највисоки стандарди. Проектот „Паметен град“ планирано е да се реализира во областа на градската администрација, сообраќајот, осветлувањето, греењето, паркирањето, управувањето со отпадот и други дејности кои имаат за цел поефикасен и поекономичен, одржлив развој на градот.

Проценетата вредност на оваа инвестиција е 100 милиони американски долари.