Белград купи во Германија и врати во земјата план на ентериер за српската кралска палата

Градот Белград и Музејот на град Белград во Германија купија скапоцен и неодамна откриен план на ентериер за српската кралска палата (Interior Design Plans of the Serbian Royal Palace), кој го изработиле германскиот дизајнер Аугуст Бозе и неговата сопруга Елза Бозе од Вајмар.

Проектот го нарачал и платил кралот Петар I Караѓорѓевиќ. Станува збор за албум во два тома со 50 акварели и 80 цртежи со графитен молив на специјална јапонска хартија. Албумот требало да биде испратен во Србија во летото 1914 година, но избувнала Првата светска војна и така останал во Германија. Новата палата, во која денес е сместено Претседателството на Република Србија, чија изградба започнала во 1911 година, а завршила во 1922 година, никогаш не е уредена според овој проект. Александар Караѓорѓевиќ, престолонаследник, а потоа и крал, по Првата светска војна не сакал ентериер на својота палата од Германци, омразени непријатели од Големата војна. Работата на уредувањето на ентериерот на Новиоата палата го добила и завршила француската компанија „Безије“

Планот за дизај на ентериерот на Новата палата ќе биде дел од поставката на Музејот на град Белград, од каде велеат дека Белград ќе продолжи да ги купува и да ги враќа српските културни богатства што се наоѓаат низ светот.