Бела вила во хајтек стил

Летото заминува. За повеќето остануваат убави спомени од грчките или некои други подалечни плажи. За останатите, како и за мене, што го немаа тоа задоволство, останува да сонуваме за сончеви песочни пејзажи покрај море… Затоа и одбрав приказ за еден прекрасен дом – вила за летен одмор во Јужна Африка во местото Јузерфонтеин, направен по порачка од еден американски пар во 2006 год.  проектиран од студиото Saota. Архитектурата на куќата е дизајнирана земајќи ги предвид географско климатските услови на подрачјето.

 Внатрешноста е во минималистички стил, едноставна но со голем вкус. Во приземјето е социјалниот простор за дневен престој со камин, кујна, трпезарија, оригинални конзолни скали од црвено дрво и феноменален поглед на океанот, работно студио…На горниот кат се спалните соби, бањи и гардероби. Величенствените тераси и прекрасниот базен го надополнуваат вкупниот впечаток дека целиот проект е дизајниран со намера корисниците да бидат што повеќе во друштво со околината и со мирисот на морето. Сонувајте …