Бар во Јапонија во целост изграден од рециклиран отпад

Малото место Камикатсу во Јапонија, го изразува својот еколошки настроен став преку наградуваниот бар Kamikatz Public House, кој не генерира штетни емисии и во целост е изграден од рециклиран отпад.

Барот е дизајниран од архитектот Хироши Накамура, кој за овој проект ја освоил наградата WAN Sustainable Buildings 2016, и тоа не само заради изгледот на објектот, туку и заради неговата одржливост.

Идејата за изградба на бар е во согласност со долгорочната визија на градот за рециклирање на 100% од својот отпад (во моментот е 80%). Во склоп на објектот има и мини пиварница за производство на сопствен бренд пиво.