Бабина, италијански архитект и илустратор

Федерико Бабина (1969 г.) е италијански архитект и илустратор, кој од 2007 година живее и работи во Барселона. Неговите живописни серии на илустрации низ референци на архитектурата поврзуваат бројни уметнички дисциплини и теми со убедлив авторски потпис. Ги спојува можните и неможните точки на средби на архитектурата и уметноста. Бабина се изразува преку различни техники, стилови и форми за да го прикаже богатството и различноста на формата, следејќи „архитектонски трагови“ на познати архитекти, спојувајќи таинствена геометрија со живописни бои.

Самиот за себе вели: „Некогаш сум архитекта со страст на илустратор, а некогаш сум илустратор со страст на архитект. Цртежот е првиот начин на кој на некоја идеја и се дава форма.“
А за своето творештво додава: „Идеите се обликуваат, моделираат и трансформираат преку илустрации. Роден сум со илустрации од сказни, растев со стрипови и созреав со архитектонскиот цртеж. Илустрацијата е дел од мојот замислен и умислен свет. Се забавувам додека ја претворам архитектурата во илустрација и илустрацијата во помал вид архитектура“.

Archist

Неговите дела се застапени во различни серии. Серијата Archist познатите имиња од современата уметност ги поврзува со познатите објекти од современата архитектура.

Archiplan

Во серијата Archiplan авторот прави своевиден визуелен приказ на референтни авторски зданија. Серијата на делата Archibet e илустриран типографски речник на архитектите.

Archibet