Азербејџанскиот гас ќе стигне во Европа во 2019 година

Проектот ТАНАП (Трансанадолиски гасовод) веќе е 70% реализиран и се проценува дека во средината на 2019 година ќе биде подготвен за експлоатација. Овој гасовод кај местото Едрене во Турција се спојува со гасоводот ТАП со цел азербејџанскиот гас да се испорачува во Европа. Инаку, ТАНАП е со должина од 1850 километри, има капацитет од 16 милијарди метри кубни природен гас од кои Турција ќе користи 6, а остатокот ќе се испорачува на европскиот пазар. Инвестицијата е проценета на 8,5 милијарди УСД.