Австриска депонија пушти во погон соларен цвет

Депонијата „Раутенвег“ за складирање на остатоците по спалувањето во модерните постројки за согорување во Виена, неодамна го пушти во погон т.н. соларен цвет кој произведува електрична енергија за потребите на возот за посетители на депонијата. Соларниот цвет се шири и насочува кон сонцето, а годишно ќе произведува 3.000 kWh електрична енергија.

Инаку, Одделението за управување со отпадот во Градската управа на Виена се залага за користење на соларната енергија и искористување на други алтернативни облици на енергија. Во депонијата „Раутенвег“ доста е инвестирано во модернизацијата, па веќе пет години на оваа депонија не се складира необработен отпад.