Порта3 – градежништво, архитектура и екологија Порта3 – градежништво, архитектура и екологија

Во Центарот за култура e отворена изложба на 12 архитектонски дела, создадени во рамки на 19-тата сесија на меѓународната „Летна школа за архитектура 2010 година“, што се одржа од 3 до 11 јули во конаците на манастирот „Св. Јоаким Осоговски“.

Скопје - Македонија со заем од Европската банка за обнова и развој ќе ја реконструира железничката пруга од Табановце до Гевгелија, која е дел од Коридорот 10. Заемот во износ од 17,6 милиони евра го одобри Бoрдот на директори на Банката на 6-ти овој месец.

Скопје - На 86 години вчера во Скопје почина академик Крум Томовски. Роден е на 21 декември 1924 година во Скопје. Гимназија завршил во Скопје, а дипломирал во 1952 година на Архитектонскиот факултет при Техничката висока школа во Белград. Веднаш по дипломирањето e избран за асистент на Техничкиот факултет во Скопје. Во 1958 година е избран за доцент по предметот развој на архитектурата, во 1965 за вонреден професор, а во 1971 година за редовен професор на Архитектонскиот факултет.

Лондон - Електронската пошта, која е украдена од еден од водечките светски центри за истражување на климатските промени, не содржи докази кои би ги поткопале тврдењата на научниците дека во тек е глобално затоплување, предизвикано од човечкиот фактор, се наведува во еден независен британски извештај.

Кочани - Почнуваат обврските на хидроенергетскиот систем „Злетовица“ за враќање на кредитот кој Јапонската банка пред шест години го одобри во висина од 80 милиони долари за изградба на овој капитален хидроенергетски систем во Источна Македонија. Првата рата од кредитот е во октомври.

Крива Паланка - Во манастирот „Свети Јоаким Осоговски“, кај Крива Паланка се одржува меѓународната „Летна школа за архитектура 2010 година“. Темата на Летната школа“ е „Архитектурата е за сите луѓе“, а во неа учествуваат ментори и студенти од Македонија, Турција и Италија.

Загреб - На состанок на министри за сообраќај на неколку земји во регионот во Загреб, на кој не присуствуваа единствено претставници од Србија и на Црна Гора, потпишана е декларација со која институциите на ЕУ се повикуваат да ја сфатат важноста на коридорите Пет, Осум и Десет, во смисла за поврзаност на регионот со земјите на ЕУ.

Штип - Центарот за развој на источно планскиот регион и Општина Штип денеска презентираа студија за можностите за регулација на река Брегалница и за изградба на мини акумулации, каскади и брани.

Скопје - Отстранување на загадувањето и санација на старата депонија со линдан што се наоѓа во кругот на фабриката Охис е целта на студијата изработена од италијанската компанија Д`Аполонија во соработка со Министерството за животна средина и просторно планирање.

Кочани - Со финансиски средства во висина од еден милион и 225 илјади денари што ги обезбеди УНДП ќе биде подготвена целокупната проектна документација за Спортско-рекреативниот центар Пониква на Осоговските планини.

Во седумте основни училишта во Општина Аеродром почна проект за обука на наставните кадри од природните науки и на учениците на тема енергија, клима и животна средина, кој ќе трае девет месеци.

Амстердам - Индустриската емисија на јаглерод диоксидот, гас кој се смета за главен виновник за глобалното затоплување, во светот минатата година бележи стагнација благодарение на тоа што рецесијата го забави производството во богатите земји, но тоа е анулирано со растот на емисијата во Кина и во Индија, соопшти Холандската агенција за оценка на животната средина.

Сместена во дворот на „Denver Convention Center“ во Денвер (Колорадо), сината мечка на уметникот Лоренс Аџент ги поминува своите денови ѕиркајќи низ огромната градба во лобито на Центарот. „Гледам што мислиш“ е нејзиното име. Има импресивни димензии: висока 12 метри, тешка 8 тона, широка 4 метри.

Eден од најпознатите британски уметници, Ентони Гормли неодамна ги постави своите човеколики скулптури на покривите и на врвовите од зградите во урбаното јадро на Њујорк како јавна инсталација наречена „Event Horizon“. Скулптурите од железо и фиберглас го претставуваат токму самиот уметник, во природна големина.

„The Sequence“ АРНЕ КИНЗЕ

„The Sequence“, е името на живописната, црвенкасто-портокалова инсталација од дрво и бетонски блокови. Скулптурата долга 80 и висока 15 метри, е замислена како стреа над дрворед на улица во Брисел.