Порта3 – градежништво, архитектура и екологија Порта3 – градежништво, архитектура и екологија

Книга 1 : Големите движења и мајстори - резимирани извадоци

 

В. Дефинирање и насоки (1)

 

Чарлс Џенкс смета дека постмодерната архитектура произлегува директно од т.н. модерен регионализам, кој својот врв го достигнува во теоријата и практиката најнапред кај Роберт Вентури, а потоа кај: Чарлс Мур, Роберт Стерн и Мајкл Грејвс. Џенкс тврди дека овие четворица американски архитекти на највпечатлив начин ја имаат одбележано постмодерната и можат да се наречат постмодерна школа за да се издвојат од широкото движење кое опфаќа мноштво други пристапи. Според Џенкс, два настана имаат пресудно влијание врз воспоставувањето на општиот карактер на постмодерната школа, а тоа се: Венецијанското биенале (1980), посветено на темата “Присуството на минатото“, каде што едногласно е потврдено прифаќањето на историцизмот; и постмодерниот класицизам на Џејмс Стирлинг и Мајкл Грејвс, што го одредува заедничкиот стил.

повеќе »

Книга 1 : Големите движења и мајстори - резимирани извадоци

 

ПОСТМОДЕРНА ИЛИ АРХИТЕКТУРА НА КРСТОПАТ Б. Развој (4)

 

Истражувањето на силуети на огледалните објекти, кои најефектно би го изразиле блесокот и рефлексијата на стаклото, води кон традицијата на модерната од крајот на XIX век и кон, за тој период, омилениот судир на волумените со сложени праволиниски потези. Притоа, архетипови на огромните објекти повеќе стануваат минијатурните каприци на овој стил, како што е мебелот и урбаната опрема, отколку самата архитектура. Карактеристичен пример за наведената поставка претставува административниот објект во Ипсвич, В. Британија (1975) на Норман Фостер (1935). Со меко извитканата огледална фасада од темно стакло, овој објект прави асоцијација на гигантско пијано. Критичарите, во неговиот блесок гледаат семантички одраз на “студенилото” во административната дејност.

повеќе »

... НЕИМАРСТВО НА ИДНИНАТА

 

Автогигантот БМВ може да се пофали со градежна иновација која со полно право го носи името “БМВ Свет“. Центарот почна да се гради на 16 јули 2004, а е завршен за три години. “БМВ Светот“ никна на просторот на некогашниот автоолимписки парк во Минхен. За да се дизајнира беа потребни 800.00 часови на планирање, соработка на 120 архитекти и инженери и над 150.000 планови за негова констуркција.

повеќе »

Со должина од 53 километри, Сеикан тунелот во Јапонија е најголемиот и најдолгиот железнички туннел на светот. Од споменатата должина, дури 23 километри поминуваат под морското дно.Иако тунелот помеѓу Франција и Англија кај Ла Манш има поголема должина под морското дно, сепак јапонската гордост останува број еден заради вкупната должина. Сеикан тунелот е лоциран помеѓу островите Хоншу и Хокаидо, како дел од линијата Каикјо на железничката компанија.

Велат дека благодарение на тунелот, железничкиот сообраќај е најевтиниот транспорт во Јапонија, а приматот број еден, овој тунел ќе го задржи до 2018 година кога е планирано да се отвори т.н. Готард тунел.

повеќе »

МОНТАЖА НА ЧЕЛИЧНАТА КОНСТРУКЦИЈА НА ПЕШАЧКИОТ МОСТ НА МОРАЧА На градилиштето на пешачкиот мост на Морача во Подгорица, моментно се монтира челичната конструкција со помошните елементи, од островот направен во коритото на реката. Како што може да се види од ...

повеќе »

Млада брачна двојка со едногодишно дете треба да се всели во стан во центарот на градот. Планираат промена на електричната, водоводната и канализационата инсталација, реновирање на бањата, замена на вратите и прозорците во станот и функционално издвојување на дневната, трпезаријата ...

повеќе »

СЕ ИСКАЧИВМЕ НА МЕГАЛИТСКАТА ОПСЕРВАТОРИЈА КОКИНО

Испреплетување на паралелни светови. Иреалност. Мистичност. Лутам меѓу термини и повторно како да ми фали вистинскиот збор за да го опишам чувството што ме обзема додека по лизгавата земја, нога пред нога се искачувам на Татиќев камен, во кумановскиот регион. Теренот е стрмен, јас не сум по искачувањето, ама овојпат предизвикот е голем - морам да видам што е тоа на врвот на планината што остава без здив, што крие илјадагодишни тајни и одблизу се познава и со Сонцето и со Месечината. Името му е Кокино, мегалитска опсерваторија стара 4.000 години која потврдува континуитет на животот на ова мало парче земја наречена Македонија. Тој податок ми го грее срцево и продолжувам по нашиот водич Ѓоре Ценев, раководител на Планетариумот при Младинскиот културен центар кој седум години активно го истражува Кокино.

повеќе »

... разговор со Љупчо Илиевски, фотограф.

Професионално работи како камерман во Македонската радио-телевизија, ама фотографијата му е и ќе остане прва љубов. За себе вели дека не фотографира, дека пишува со светлина и тоа не актуелни теми, туку во фокусот му се навидум неважни теми кои ги обработува долг временски период. Така, лустерот од Офицерскиот дом го сликал од 1982 до 1993 година. Вели дека со тој лустер се инаетел цели 11 години, собирал податоци за него, истражувал, во него наоѓал лузни, траги. Многу чувства внел во таа работа. Во последниве седум години е на мегдан со историја стара 4.000 години. Вели, приказната со Кокино не е завршена. Има уште што да запише со светлината.

повеќе »

По нарачка од Владата Општина Карпош донесува Урбанистички план вон населено место Горно Нерези за локалитетот “Македонско село” и измени и дополнувања на Деталниот урбанистички план за Реонски центар Карпош 3, западен дел. Овие два проекта се дел од владината програма за оваа година и имаат приоритет, па плановите ќе се донесат по скратена постапка. Урбанистичките планови ги изработи Агенцијата за планирање на просторот, за Македонско село на конкурс се избра и идејното архитектонско решение што го изработи фирмата “Тетракис”, а јавната расправа за двата плана веќе заврши.

Македонското село кое всушност ќе биде музеј на отворено и ќе ја претставува ендемската македонска архитектура и традиција ќе се наоѓа на падините на Водно, над манастирот “Свети Пантелејмон”, јужно од селото Горно Нерези, кое пак е на северните падини на Водно, на надморска височина од околу 640 метри. Маргарита Кузмановска од Агенцијата за планирање на прострот објаснува дека селото е третирано како една целина со површина од нешто повеќе од два хектари и се надоврзува на споменичниот комплекс “Свети Пантелејмон”, односно ќе претставува комплекс на градби во една градежна парцела. На тој простор е планирано да се изградат десетина куќи во различни архитектонски стилови карактеристични за традиционалната македонска селска архитектура во кои ќе се презентираат старите македонски занаети како грнчарскиот, пекарскиот, бочварскиот и други, а и ќе се продаваат предметите што ќе се изработуваат таму. Исто така, треба да има и отворен амфитеатар, музеј, парковско зеленило со рибник, воденица, трло, ан каде што ќе може и да се преноќи и друго што би го отсликало некогашниот живот во македонските села. “ Основа за изработка на овој план е Стратегијата за одржлив развој и Програмата на Владата. Функцијата е фокусирана на развој на туризмот и културното наследство “, вели Кузмановска.

повеќе »