Порта3 – градежништво, архитектура и екологија Порта3 – градежништво, архитектура и екологија

Како да знаете дека облакодерот ви е висок? Ако мора да го скратите зашто ги крши прописите кои велат дека зградите не смеат да бидат повисоки од околните планини?! Тоа беше случај со Интернационалниот трговски центар во Вест Коулун, во Хонгконг, кој во финалниот проект мораше да биде “скусен“ за скоро 100 метри. Во исто време во Њујорк почнува изградбата на облакодер, кој ќе ја надвиши позната Крајслер зграда. Њујорк добива уште два облакодера. “Бикман” кулата (264 метри и 68 ката) и кулата “Вера” (352 метри и 78 ката). Монденскиот изглед на “Бикман” му дава интересната, „лелеава“ површина. Направена од нерѓосувачки челик, зградата изгледа како да се бранува благодарение на специјалните каскадни истурени делови. Благодарејќи на лелеавата надвореш ност, просториите внатре во неа ќе бидат со необични димензии и секој кат ќе биде поинаков, различен.

повеќе »

За човекот кој ја направи највисоката дрвена зграда во Русија, а со тоа и во светот, таа е еднаква на осмо светско чудо. Многумина не се сложуваат со таа констатација, но куќата на  Николај Сутјагин дефинитивно е чудна и уникатна градба. Доминирајќи на хоризонтот на градот Архангелск на крајниот север на Русија, се верува дека тоа е највисоката дрвена куќа на светот. Има 13 ката и согласно димензиите е половина од славниот Биг Бен во Лондон. Куќата на Сутјагин е речиси пред распаѓање, незавршена и под постојана закана на градските власти кои сакаат да го урнат 15-годишното ремек дело на овој екцентрик.

повеќе »

Деновиве Минхен беше центар на планери, проектанти и градители од цел свет.Илјадници изложувачи и посетители се сретнаа на една од најголемите саемски манифестации БАУ - 2009, која традиционално се одржува во Минхен, Република Германија, на секои две години.

повеќе »

На површина од 11.950 квадратни метри, на крстосницата од улицата Мито Хаџивасилев Јасмин и булеварот Водњанска, до ТЦ “Рамстор” по една година градежни активности, израсна нов објект кој по својот изглед ги задоволува сите европски карактеристики. Новата деловна зграда на НЛБ Групацијата во Македонија е изградена и опремена според најсовремените европски стандарди за деловни простори за банки. Станува збор за т.н. интелегентна зграда во која е применет Билдинг менаџмент систем кој овозможува централизирано управување и надзор на системите за греење, ладење, електронски комуникации, системите за електронска и физичка заштита и за надзор на пристап до и во објектот. Зградата има два посебни дела и тоа едниот е на НЛБ, а другиот е петкатна гаража.

повеќе »

 Моите мегаструктури претставуваат ансамбли на облакодери поврзани со заеднички дворови кои се  простираат на различни височини. Тие дворови претставуваат места за одмор и рекреација. Всушност, тоа се места за социјализација, за запознавање и зближување на луѓето. Луѓето во мегаструктурите сигурно не би се чувствувале ниту осамени  ниту отуѓени еден од друг иако тие се огромни објекти. Како илустрација ќе ја спомнам административната мегаструктура "Порта кон светот", која се состои од два дијагонално засечени паралелопипеди разделени со три кружни платформи дворови со зеленило цвеќе и вода, каде вработените можат да излезат и да се прошетаат за време на својата пауза на работа.

 

повеќе »

Книга 1 : Големите движења и мајстори - резимирани извадоци

В. Дефинирање и насоки (3)

Ад хок пристапот несомнено му придодава дух и разновидност на постмодерниот амбиент, кој во модерната станува с¢ похомоген. Овој пристап го вклучува и принципот на партиципација, при што архитектурата се доближува до вкусот и до кодовите на самите жители. За да се одржи контролата врз градбата како архитектонски производ, авторот секогаш додава нешто специфично ново. Ад хок пристапот овозможува архитектурата да не се губи во празен формализам, кој, според Џенкс, е толку очигледен во доцното творештво на В. Гропиус.

повеќе »

Вкупно 41 студент од Градежниот факултет во Скопје лани доби стипендија од Фондацијата за стипендирање на студенти по градежништво и геодезија, основана од Факултетот и од неколку донатори во 2004 година. Од нив 24 ги исполнија условите паричната помош од Фондацијата да ја добиваат и оваа академска година. Или, од вкупно 13 стипендирани студенти од прва година правото да ги задржат средствата и во втора година го оствариле 11, од 9 во втора година условот го исполниле седум, од 11 стипендисти во трета година Фондацијата годинава ќе поддржи само 7 студенти.

Услов за задржување на стипендијата е сите испити да се положат заклучно со септемвриската сесија и тоа со просечна оценка над 8.

На состанок со донаторите деканот на Градежниот факултет Петар Цветановски посочи дека лани наместо 10, на студентите им се исплатени по 9 стипендии, за што причина е ненавремената уплата на средствата. Донаторите велат дека немаат намера да се повлечат од Фондацијата, но бараат да бидат потсетени кога треба да ја извршат уплатата.

повеќе »

 

Канадските научници на прагот на колосално откритие

 

Научникот за климатски промени Дејвид Кит од Универзитетот на Калгари и неговиот тим работат на проект за ефективно зафаќање на јаглеродниотдиоксид директно од воздухот. Во своето истражување научниците покажале дека е можно да се намали количеството на јаглероден диоксид употребувајќи едноставна машина која го зафаќа гасот од воздухот на кое било место на планетата. СО2 е главниот стакленички гас кој придонесува за глобалното затоплување на Земјата.

повеќе »

ЗООЛОШКАТА ГРАДИНА ГОЛЕМО ГРАДИЛИШТЕ

Привршува изградбата на кафезот за тигрите широк 3.000 метри, а во тек е изградбата на местата за мечките, мајмуните, шумските животни, волците и за други. Се прави и вештачка река, која ќе тече низ повеќе живеалиш та, ќе раздвојува некои животни и ќе се користи за напојување. Ова се само дел од градежните активности што се одвиваат во Зоолошката градина, а кои траат веќе две години. Кога сето ќе се заврши таа треба да зали- чи на современите градини и да ги исполни високите стандарди предвидени од Европската асоцијација на зоолошки градини и аквариуми - ЕАЗА. Живеалиштата што се градат треба да потсетуваат на природната средина од каде што потекнуваат животните.

Анастас Петров, директор на ЗОО градината, најави дека како што ќе завршува изградбата на секое живеалиште, така тоа ќе се населува. Тој истакна дека Зоолошката има 400 животни од 70 вида, кои засега се чуваат во помали кафези.

повеќе »