Аукција на стари производи од Apple, некои со потпис од Џобс

На 5-ти март, стартува аукција на стари производи од Apple, почнувајќи од разни гаџети, па до фотографии со потпис и пешкири за плажа со логото на компанијата. Ќе се одржи во аукциската куќа RR Auction. Збирката му припаѓала на некогашниот инженер задолжен за дијан на производите на Apple,  Jerry Manock. Аукцијата е насловена Steve Jobs Auction и главно ќе понуди предмети од 70-тите и 80-тите од минатиот век. Аукцијата ќе трае цела седмица, односно ќе заврши на 12-ти март.

Компјутерот  Apple-1 од 1976 година сигурно е највредното парче во понудата.

Фотографијата на овој компјутер со потпис од Steve Wozniak, стартува со почетна цена од 200 УСД.

Договорот за дизајн на компјутерот  Apple II од 1977 година со потпис на Стив Џобс се нуди за почетна цена од 35.000 УСД. Постерот за истиот компјутер претставен на саемот West Coast Computer Fair во Сан Франциско е проценет на 1.800 УСД.

Macintosh 128 K, првиот персонален компјутер на Apple од 1983 година, со посвета за  Jerry Manock (25.000 УСД).

Меморандум за бонусот на Manock од  1983 година, со потпис на Стив Џобс  (10.000 УСД ).

Медал кој Џобс му го доделил на Manock во  1984 година (5.000 УСД).

Macintosh PowerBook 190cs, лаптоп од  1995 година, со потпис од Џобс и зборовите Happy Computing (10.000 УСД).

Седум маици со брендот Apple. Меѓу нив и црвена маица осмислена од вработените во Apple, на која пишува We Are Not Authorized to Comment on Unannounced Products (1.000 УСД).

Неонски знак со логотип во бои на виножитото од крајот на 90-тите години од минатиот век  (2.000 УСД).

Четири промотивни пешкири со брендот Apple (800 USD).