„Архстојание“, Русија, ленд – арт фестивал – интеракција со пејзажот преку современа уметност

„Архстојание“ е годишен меѓународен ленд – арт фестивал на пејзажни објекти во селото Никола-Лењивец во Калушката област во Русија (210 километри од Москва). Овој уникатен проект нуди нов пристап кон развојот на областите и ја претставува идејата за интеракција со пејзажот преку креативни практики и современа уметност.

„Вавилонски водовод“, ::vtol:: Москва, 2013

Монументалните објекти кои овде се поставуваат ги изработуваат уметници, дизајнери и архитекти од Русија и странство, а распоредени се на 300 хектари традиционален руски пејзаж.

„Арка“, БЕРНАСКОНИ, 2012

Првите објекти почнале да се појавуваат околу селото, откако московските уметници и архитекти почнале таму да градат свои куќи и работилници во 1989. година. Во 2006. година, на иницијатива на Николај Полиски, руски современ уметник, скулптор и сликар, основан е фестивалот „Архстојание“. Постојани организатори се непрофитното партнерство „Проект Никола-Лењивец“, продуцентката Јулија Бичкова и кураторот Антон Кочуркин. Гости куратори на фестивалот биле Олег Кулик во 2010 година, Катја Бочавар во 2013 година. За прв пат, странец, Ричард Кастели (Франција), е поканет во улогата на куратор на „Архстојание“ 2014.

„Супстанца“, Димитри и Елена Каварга, 2016

Објектите што се создадени благодарение на „Архстојание“ станале дел од пејзажот на Никола-Лењивец. Од 2006. година, тука се создадени 101 уметнички објект, повеќе од 150 автори учествувале на фестивалот, меѓу кои Франсоа Рош (Франција), Николај Полиски, Александар Бродски, Адријан Гаизе и бирото West 8 (Холандија), АБ Manipulazione Internazionale, Јуриј Григорјан, бирото БЕРНАСКОНИ и други. Сега на територијата на Никола-Лењивец, има повеќе од 40 објекти, вклучително и нефестивалски објекти на Николај Полиски. Некои објекти се преместени на други локации.

„Движење преку ротација“, Роман Ермаков, 2014

Благодарение на „Архстојание“, Никола-Лењивец стана место за живеење и творење во природа, каде што денес се градат големи уметнички и архитектонски објекти. Никола-Лењивец е отворен за приватни иницијативи, соработка меѓу бизнисот и владата и потрагата по нестандардни решенија во области од уметност до еко-земјоделството.

Ѕcrew me, R&SIE(N), 2008

Целите на „Архстојание“ се развој на модерната архитектура, пејзажната архитектура и уметноста, институционализирање на местото како меѓународно „експо“ во областа на пејзажот, архитектурата и уметноста.

„Штаб“, Алыча, 2017

Исто така се стреми да ја развие областа и нејзината посебност со помош на современи социокултурни, земјоделски и уметнички практики, а во меѓувреме да созде одржлив екосистем чија цел е да создаде нов начин на живот.

„Личен универзум бр.5“, Дмитри Жуков, 2016

Фестивалот се одржува еднаш (во лето) или двапати (во зима и во лето) еднаш годишно. Обично целата структура на настанот е поделена на два дела: „Архстојание“ за деца и „Архстојание“.

„Селпило“, Николај Полиски, 2015

Првиот дел е организиран за деца и млади, а вториот за пософистицирани познавачи на уметноста. Па така претставува прв руски фестивал на современа уметност за целото семејство. Мисијата на „Архстојание“ е преку уметност да едуцира нова, отворена и креативна генерација способна да ги помести границите на познатото кон нови хоризонти.

Наредниот фестивал „Архстојание“ ќе се одржи од 28. до 30. јуни 2024. година.