Архитектонско ремек-дело: Операта во Дубаи

По три години изградба и потрошени 330 милиони долари, Дубаи може да се пофали со нов грандиозен објект – Операта на Дубаи. Оваа спектакуларна градба е една од најзначајните покрај Бурџ ел Араб и другите импресивни зданија во оваа пустинска престолнина која во последните години е вистински магнет за туристите од целиот свет.

Објектот има капацитет од 2.000 луѓе, а освен за настани од областа на класичната музика предвидено е да биде домаќин и на спортски случувања, па дури и венчавки.  Огромниот лустер кој е централно поставен во холот содржи 2.900 лед светилки, 3.000 посебно исработени стаклени украси и тежи 5 тона.

На свеченото отворање кое се случи неодамна, настапи светски познатиот тенор Пласидо Доминго. Менаџментот на операта најави дека веќе во првата сезона има договори со околу 200 светски имиња, но засега не открива кој се’ е на оваа листа.

На покривот од објектот сместена е прекрасна градина.