Архитектонски скулптури направени од само еден лист хартија

Данскиот уметник Питер Калесен ја претстави својата колекција наречена State of the Ruins, која се состои од скулптури од хартија инспирирани од архитектурата.

Изработени од еден лист бела хартија, минијатурните згради изгледаат како да излегуваат од нивната оригинална рамна форма во тродимензионална форма, оставајќи празнина токму во тоа парче хартија, пишува This is colossal.

Секое од делата е во контраст со мек, кревок материјал со цврст предмет и „е потсетник на она што некогаш било присутно, како и на фактот дека материјалот како каменот може да се менува и скрши“, објаснува уметникот.

“Речиси како обратна креација, руината како мотив на мојата работа ги обработува темите на подемот и падот, преку типична готска архитектура инспирирана од романтични сликари“, вели Калесен и додава урнатините се издигнуваат од нивните недопрени и неоштетени силуети. Делото „17 .8 Tall Tower of Babel“ е исто така поврзано со дефект и неуспех, поради митот за Вавилонската кула“.

54-годишниот уметник, кој живее и работи во данскиот град Морс, ќе прикаже дел од неговите минијатурни архитектонски скулптури во музејот Vestjyllands Udstillingen, додека оние што нема да ја видат изложбата таму имаат можност да ги запознаат и на Инстаграм профилот на Калесен.