Порта3 – градежништво, архитектура и екологија Порта3 – градежништво, архитектура и екологија
По повод четвртиот роденден на Europe House Скопје, како и 60 годишнината од скопскиот земјотрес, ќе се одржи Архитектонска работилница за деца: МУЗЕИТЕ НА СКОПЈЕ.
Четирите значајни скопски музеи, – Музеј на град Скопје, Даут-пашин амам, Музеј на современата уметност и Музеј на Македонија, ќе бидат предмет на работилницата во Europe House Скопје, која ќе се одржи утре, 14. ноември од 17 до 20 часот. Работилницата е наменета за 24 деца на возраст од 7-11 години, во 4 групи, кои ќе ги водат архитектите Маргарита Поповска, Милка Черепналковска, Маја Доновски Лукаревска и Мартина Петковска.
Најпрво накратко ќе се зборува за историјата и важноста на секој музеј поединечно, а потоа секоја група ќе работи на својот музеј, каде децата со разни техники – колажи, цртежи, макети и сл. ќе го прикажат своето решение на поставената задача.
