Аравена поканет во Лисабон да ја проектира новата зграда на националната енергетска компанија

Чилеанскиот архитект и добитник на Прицкеровата награда за 2016-та, Алехандро Аравена е поканет во Лисабон да го изработи проектот за новата зграда на енергетската компанија EDP (Energias de Portugal), после изградбата на зградата на седиштето на компанијата според проект на Aires Mateus.

На крајот на 2016 година, португалскиот архитект João Luis Carrilho da Graça беше поканет да проектира хотел како придружна содржина на одредени објекти на EDF, и промена на ентериерот на некои згради. Проектирањето на објектот на Аравена ќе стартува откако целосно ќе се сруши постоечкиот стар објект на предвидената локација, а меѓу барањата во проектната програма предвидено е целосно вклопување и претопување на објектот со околината и придружните содржини, како и непречен поглед кон реката Тагус.

Претседателот на компанијата EDP очекува проектот да заврши во целост до 2020 година. EDP е една од најголемите енергетски компании во Европа и меѓу најмоќните компании во Португалија.