Apple Watch би можел да го мониторира шеќерот во крвта благодарение на една британска IT компанија

Долгогодишните гласини за Apple Watch за мониторинг на шеќерот во крвта, после известувањето на Telegraph и Forbes, стекнаа одреден кредибилитет.  Двете познати медиски компании известуваат дека британската здравствена фирма Rockley Photonics неодамна потврди дека Apple е нејзин најголем купувач во последните две години и дека има континуирана соработка во развој на идните производи. Фокусот на Rockley Photonics бил на сензорите кои го следат нивото на гликоза во крвта, крвниот притисок, па дури и нивото на алкохол, што сугерира дека барем една од овие карактеристики ќе биде достапна во новиот Apple Watch. Не постои гаранција дека договорот со Rockley ќе доведе до испорака на производот, но секако индустријата има огромен интерес за развој на сензори за шеќер во крвта односно методи за кои не се потребни игли.