Американците возат се постари автомобили

Автомобилите, камионите и џиповите во САД стареат и достигнаа рекорден просечен век од 12,6 години.

S&P Global Mobility, кој ги следи државните податоците за регистрација на возила низ целата земја, рече дека просечната старост на возилата се зголемила за околу два месеци во споредба со минатогодишниот рекорд. Просечниот животен век на еден автомобил е зголемен за три месеци во 2023 година.

Со просечна продажна цена на нови возила во САД, нешто повеќе од 45.000 американски долари минатиот месец, многумина не можат да си дозволат да купат нови, иако цените се намалени за повеќе од 2.000 долари од највисоките во декември 2022 година, јавува Гласот на Америка.

„Цената сега е превисока за многу домаќинства, така што мислам дека потрошувачите се доведени во ќорсокак и мора да го возат своето старо возило подолго“, рвели Тод Компо, директор на пазар во S&P Global Mobility.

Други фактори се тоа што луѓето размислуваат дали сакаат да купат електрично возило или да имаат хибрид на гас и струја или возило на бензин. Многумина, вели Компо, се загрижени за изградбата на мрежа за полнење за да можат да патуваат без да се грижат дека ќе останат без батерија. Исто така, возилата денес се се подобри и едноставно траат подолго.

Продажбата на нови возила во САД почнува да се враќа на нивото пред пандемијата, вели Компо, и тој очекува продажбата да достигне околу 16 милиони оваа година, во однос на 15,6 милиони минатата година и 13,9 милиони во 2022 година.