Американци кои го дефинирале зборот „кул“

Во Националната галерија на портрети на Институтот Смитсонијан во Вашингтон отворена е изложбата „Американски кул“. Поставката е посветена на сто американски личности кои во американската култура внесле свој личен печат и станале симболи на своето време.

Зборот „кул“ е американски, кој во почетокот на 40-тите години на минатиот век во жаргонот го вовел џез саксофонистот Лестер Јанг, и зборот остана популарен се до денес.

При изборот на 100 личности кои ќе бидат вклучени во изложбата, кураторите се раковеделе според четири насоки: оригинален уметнички изглед и стил, олицетворение на културен бунт на генерација, моментално визуелно препознавање и признато културно наследство. Сите оние „кул“ личности кои ги исполнуваат најмалку три од четирите критериуми сега се претставени во галеријата: џез музичари како Мајлс Дејвис и Били Холидеј, актерите Џејмс Дин, Џони Деп, Одри Херберн, Стив Меквин, Феј Данавеј и Роберт Мичам, пејачите Елвис Присли, Пети Смит и Џеј-Зи, уметникот Жан Мишел Баскијат и многу други. Нивните фотографии се снимени од страна на Дијана Арбус, Ричард Аведон , Анри Картие – Бресон, Ени Лебовиц и други. Изложбата ќе биде отворена до 7 септември.