Allplan студентски натпревар 2022 – Информација и пријава за студенти

Градежниот факултет при Универзитетот Св. Кирил и Методиј  во Скопје е еден од учесниците на Allplan натпреварувањето. На натпреварот учество ќе земат 25 Градежни факултети и 17 Архитектонски факултети од шест земји во регионот. Покрај поврзувањето на факултетите, натпреварот ќе даде одлична можност студентите да се запознаат со колегите од другите држави и да се реализира мрежа на познанства и соработка.

Како студент на Градежен факултет можеш да го покажеш своето Allplan познавање и да освоиш вредни награди.

Драги студенти, доколку Ве интересира дигитализацијата во градежната индустрија, нови технологии, софтвери, квалитетно проектирање и БИМ начин на работа, можете да се пријавите на вториот регионален натпревар Allplan Student Competition и со своето знаење да освоите вредни награди и незаборавно искуство.

Пријавата за факултетски натпревар е официјално отворена. Натпреварот ќе се одржи од 9 до 11 јуни 2022 година.

Allplan Student Competiton во организација на Балдини Студио е второ по ред регионално натпреварување, кое има за цел, промоција на дигитализација во градежната индустрија, БИМ начин на работа, промоција на квалитетно проектирање и знаење, преку работни задачи и тимски проекти.

Натпреварувањето ќе се реализира во две фази:

Allplan Faculty Hackathon – тродневен натпревар на Градежен факултет, каде ќе биде одбран најдобриот тим кој ќе го претставува нашиот факултет во втората фаза на натпреварување,

Allplan Regional Hackathon – голем регионален натпревар кој ќе се одржи во Подгорица, Црна Гора, каде ќе се натпреваруваат најдобрите претставници од сите регионални факултети.

Сите дополнителни информации можете да ги побарате на емаил: [email protected]

Facebook: https://www.facebook.com/bimstudent.net

Instagram: https://www.instagram.com/bim.student/

WEB: https://www.baldinistudio.hr/