Alila Villas Uluwatu на Бали на бирото WOHA

Alila Villas Uluwatu се хотел и вили за одмор проектирани на начин да овозможат еколошки одржив развој. Одмаралиштето е сместено на Bukit Peninsular, драматичните јужни падини на индонезискиот остров Бали. Проект на архитектонското биро WOHA од Сингапур на овој хотелски комплекс се состои од 50 апартмани и 35 резиденцијални вили.

Дизајнот го истражувал потенцијалот на фузија на вернакуларната архитектура со модернистичкиот дизајн. Проектот ги комбинира традиционалната павилјонска архитектуа и руралните предели со модерно динамично третирање на просторот и формата. Проектот е пред се заснован на уживање во локацијата, а не на склопување стереотипни слики на Бали или општите летувалишта.

Проектот развива единствен дизајнерски јазик. Наместо типичните павилјони на Бали, кои би ги блокирале погледите на падините, а кои не се локални во ова подрачје, објектите наместо од овој вообичаен пристап, инспирирани се од локалните тераси на фармите на земјоделците од натрупани варовнички камења.

Терасати кровови со балг пад развиени се со употреба на локални вулкански карпи, кои се  природен изолационен материјал и може да поддржуваат и локални папрати и сукуленти (т.н. сочни растенија). Овие терасати кровови се втопуваат со пејзажот, задржувајќи ги широко отворените панорами, кои локацијата ја прават толку единствена.

Хотелските соби се проектирани како населени градини, а не како внатрешни соби. Ѕидови од градина ги формираат ѕидовите на собите во кои во градинарско опкружување се одвива престојот, спиење, јадење, опуштање и капење. Секоја хотелска вила има базен со кабина со поглед на море.

Вилите на падините проектирани се како павилјони поврзани со мостови преку водени градини, вметнати во ридот како тераси. Секоја вила претставува пејзажен преден план за вилата која се наоѓа позади нејзе.

Од самиот почеток проектот се фокусирал на зачувување на локалитетот.

Овој хотелски комплекс ги почитува контурите на местото како би се избегнало сечење и пополнување. Сите големи стебла се одржуваат или се пресадени. Вегетацијата на локацијата била прегледана и документирана, а примероците биле испратени во Kew Gardens поради идентификација.

На локалитетот е направен расадник, размножување на автохтони растенија кои се користат во пејзажот, а не егзотични видови од расадници. Локалните растенија се соодветни за сувиот предел, спијат за време на сушната сезона и спектакуларно цветаат со уникатно сезонско прикажување на цвеќе. Овие природни градини бараат многу помалку вода и ги охрабруваат локалните животни и птици да останат во ова подрачје.

Сите материјали се локани, ѕидовите се од камен од местото, а сите останати материјали се или од Бали или од соседниот остров Јава. Користена е одржлива дрвена граѓа, вклучувајќи кокос и бамбус. Занаетчиите од Јава и Бали го изработиле мебелот, светилките и приборот.

Оваа стратегија го направила развојот уникатен во однос на материјалите, ги поддржала локалните вештини и занети им дала престиж на локалните материјали, промовирајќи ја нивната употреба, наместо да се стремат кон скапи увезени производи.

Ова прекрасно место за одмор ја постигнало целта на архтектите од WOHA , дека луксузот не значи прекумерна потрошувачка, туку наместо тоа релаксација и уживање во природната убавина и чувството за место. Развојот е нежен, го опфаќа пејзажот. Комплексот е во сиромашно, суво, рурално подрачје, па така заменувајќи го маргиналното земјоделие со туризам, овозможил значителна вработеност и приходи за локалното население. Одржува локална флора и фауна. Преку потенцирање на локалните вештини, материјали и вернакуларни архитектонски елементи, го потврдува мислењето на локалното население, дека живеат на прекрасно место кое треба да се негува и одржува.