Албанија гради хидроцентрала на реката Вјоса

Албанското Министерство за економија го официјализира договорот за изградба на хидроцентралата „Почем“ на реката Вјоса. Хидроцентралата, со инсталиран капацитет од 95 MW, ќе ја гради турскиот конзорциум „Kovlu Energy“. Според концесискиот договор, Турците ќе инвестираат 100 милиони евра. Изградбата треба да заврши за три години, додека годишното производство е планирано на 305 милиони kWh. Постапката за изградба на ХЕЦ „Почем“ почна во јули 2015 година, кога Владата ја прифати понудата од турскиот конзорциум „Kovlu Energy“.

Концесијата за користење е за период од 35 години. ХЕЦ „Почем“ е втор ваков објект кој се гради на реката Вјоца низводно по ХЕЦ „Каливач“. На изгрдбата на хидроцентралите на реката Вјоса остро се спротивставуваа еколошките организации во Албанија, кои организираа многу протести и собири, но Министертвото за економија тврди дека ХЕЦ „Почем“ нема никакво негативно влијание врз животната средина.