Активна партиципативност – јавен простор по мерка за корисниците

Архитектонското студио Mentrestant работеше на проектот La Cisterna Square (плоштад Ла Цистерна) во чест на пронајдените остатоци од La Cisterna, 22 километри од Валенсија, источна Шпанија.

По откривањето, беше спроведен партиципативен процес со жителите на општината за да се запознаат со нејзината историја и еволуција и заедно да одлучат за иднината на споменикот. Врз основа на заклучоците, беа дефинирани главните цели и тоа: да се возобнови  внатрешноста и  просторот на горното ниво како место за состанување и социјализација.

Проектот Mentrestant за плоштадот La Cisterna комбинира индустриска естетика и традиционални техники при изградба на структура од решетка и метални профили која го ревитализира оригиналниот внатрешен простор и под која се поставени обновените остатоци. Плоштадот е изграден од челична конструкција и постоечки носиви ѕидови, со што се избегнуваат промени во конструктивното функционирање на оригиналниот елемент. Материјалноста на проектот над нивото на земјата е сумирана во употреба на два материјали, челик и керамика. Намерата зад употребата на овие материјали е да може да се изврши сува и реверзибилна конструкција и во исто време да се вгради локален материјал во склад со традицијата на градење во Валенсија, и која истовремено ги идентификува желбите на корисниците.

Пристапот до внатрешноста на цистерната е обезбеден преку примарниот скалишен простор на чиј волумен е додаден првиот дел од монтажните скали за да се премости разликата во нивото помеѓу улицата и скалиштето. Истите се вградени за поврзување на пристапните скалила и резервоарот за цистерна преку преминот што бил отворен во периодот кога цистерната служела како пристап до засолништето за граѓанска војна.

Внатрешниот простор добива слабо осветлување што не ја нарушува темнината што ја карактеризира оригиналната цистерна, при што вештачкото и природното осветлување се контролира за да се постигне истиот ефект.

Плоштадот, ограничен со соседните фасади, ја зафаќа областа на сливот на цистерната, издигнувајќи се околу 90 см над нивото на улицата со цел да се возобнови распоредот на сводовите во просторот долу. Во предниот дел на плоштадот е вграден уред кој овозможува да се видат остатоците од цистерната од нивото на улицата.

Долниот простор на резервоарот е решен со вметнување на два префабрикувани дрвени сводови кои висат од челичната конструкција на плоштадот. Овие елементи овозможуваат да се интуитира распоредот на оригиналните сводови без да западне во постојани реконструкции или лажно имитирање на оригиналната форма.