Ајфелова кула со ветерни турбини

Една од најголемите знаменитости на Париз, Ајфеловата кула, од оваа недела стана нова икона на индустријата на обновлива енергија, со две ветерни турбини. Ветерните турбини во кулата ги вгради американската фирма „Урбан грин енерџи“.

Американскиот производител објави дека тие две ветротурбини можат да обезбедат околу 10.000 киловати струја годишно, што одговара на количината на енергија која во тек на една година ја троши комерцијалниот дел на првиот кат на кулата, пишува лондонски „Гардијан“. Производителот наведе дека двете турбини се речиси нечујни, а бидејќи се во боја, на кулата тешко се разликуваат од нејзината метална конструкција.