Порта3 – градежништво, архитектура и екологија Порта3 – градежништво, архитектура и екологија
Здравата и чиста животна средина не е привилегија, туку одговорност на секој жител на Македонија, а со континуирана акција и визија истата е возможна. АЈДЕ! приклучи му се на тимот ентузијасти кои сакаат да ја видат Македонија убава и чиста!, стои во повикот на „Ајде Македонија“ за вклучување во големата еко-акција „Македонија без отпад 2016“.
Големата национална акција за чистење на отпадот ќе се одржи на 1 октомври, а е отворена за сите заинтересирани граѓани, неформални групи, организации, компании, институции, училишта, општини…
„Сакаш почиста и позелена Македонија? Ако сакаш да бидеш дел од тимот што ќе придонесе за тоа, тогаш придружи се, заедно да ја исчистиме Македонија! По минатогодишната успешна акција за чистење диви депонии во Македонија, во рамките на глобалната инцијатива ’Да го исчистиме светот’ (’Let’s do it! World’), во која учествуваа 20.000 волонтери ширум земјава, задоволство ни е да најавиме дека акцијата ќе се организира и годинава. Повторно е поттикната од ’АЈДЕ Македонија!’ – а годинава е поддржана од проектот на Швајцарската агенција за развој и соработка (СДЦ), Цивика Мобилитас“, стои во повикот на „Ајде Македонија“.
