Порта3 – градежништво, архитектура и екологија Порта3 – градежништво, архитектура и екологија
„Стебло“ со големи квадратни листови, кои служат како соларни панели, е поставено во Неверс, градот во централна Франција. Ова е првото е-дрво чии листови ќе овозможат полнење на мобилните електрични уреди, сурфање на Интернет или заштита од сончевите зраци.
Е-дрвото потсетува на еколошките соларни клупи, кои на корисниците им овозможуваат да се изладат од топлото време, да ги наполнат електронските уреди и да им послужат како Wi-Fi hotspot.
Оваа футуристичка конструкција користи соларни панели, монтирани на „гранки“, за складирање на енергија и производство на струја од сонцето. Со таа струја, е-дрвото напојува УСБ полначи за мобилни уреди, овозможува бесплатен Wi-Fi за тоа подрачје и LCD екран кој носи информации како количината на електрична енергија произведена на стеблото.
Изумот е плод на соработката помеѓу две компании, француска и израелска, чиј прототип е произведен во 2014 година. Е-дрвото е и еколошка скулптура чија цел е промовирање на свеста за животната средина и одржливиот развој, како и воспоставување на врска помеѓу општеството и природата.
Првото е-дрво поставено е во 2014 година во Израел. Освен во Израел, најмногу е-дрвја има во САД и Казакстан.
