Магацин во белградското пристаниште претворен во галерија на современа уметност

Во Белград е отворена галеријата Laufer-Eugster по највисоки светски стандарди.

Проектот на галеријата, која се наоѓа во индустриска зона, односно во еден магацин во појасот на старото белградско пристаниште, во улица „Дунавска бб“, го работеле млади стручњаци од архитектонската асоцијација TEN Zurich со седиште во Цирих.

Оваа асоцијација ја води група архитекти, истражувачи и писатели од значајни меѓународни академски институции.

Проектанти одговорни за концептот и реализацијата се Немања Зимоњиќ ETH MSc (Швајцарија), Огњен Крашна и Милош Пауновиќ (Србија).

Основачи на галеријата Laufer-Eugster Belgrade се двајца Швајцарци кои живеат и работат во Белград – писателот и публицист David Laufer и производителот на уметнички дела Jan Eugster.

Просторот Laufer-Eugster Belgrade e отворен со изложбата „Мајстори на гето фотографии“ на Владимир Миливојевиќ Буги (Boogie), меѓународно признат фотограф од Белград.