Враќање во осумдесеттите – хотел „Joke“ во Париз

Во непосредна близина на Мулен Руж и Монмартр, се наоѓа еден од највеселите хотели во Париз. Хотелот „Joke“ е вистински спој на францускиот шик и детската разиграност. Дизајниран од страна на славниот архитект Philippe Maidenberg, овој хотел е сопственост на хотелскиот ланец Astotel Group. Како инспирација за хотелот, несомнено послужиле спомените од детството во седумдесеттите и осумдесеттите години на минатиот век .

Од светлиот ентериер па до единствените украси, овој современ хотел ќе Ве натера да се чувствувате среќни и безгрижни како деца, додека уживате во убавините на Париз. Токму онака како што треба да се чувствувате кога сте на одмор.

Заедничките простории во хотелот исполнети се со шаренило, детски играчки, книги и садови со колачиња. Сите маси имаат интересен дизајн инспириран од друштвените игри. Во изработката на мебелот, користени се многу природни материјали, а минимум пластика. Цената за ноќевање со појадок не надминува 90 евра.