Порта3 – градежништво, архитектура и екологија Порта3 – градежништво, архитектура и екологија
Екипите на Град Скопје и на ЈП „Улици и патишта” деновиве поставуваат катадиоптри на улицата „Ѓорче Петров“, на потегот од кружниот тек кај СП „Планет” и улицата „Воин Драшковиќ“ до мостот за Сарај.
Новите катадиоптри ќе им овозможат на возачите подобра видливост на хоризонталната сигнализација, односно подобра рефлексија.
„Катадиоптрите се поставуваат во средината на двојната полна лента на коловозот. Тие се со бела рефлексија и се поставуваат на растојание од 1 метар, 3 метри и 5 метри. Во иднина вакви катадиоптри ќе се поставуваат и на пешачките премини, односно на зебрите“, информираа од Град Скопје.
Поставувањето на катадиоптрите ќе продолжи и во текот на наредните денови на булеварот „Партизански одреди“, кај влезот во пунктот на ЈСП, кај влезот во пазарчето во Ѓорче Петров, кај влезот во поликлиниката „Ѓорче Петров“ и на кружниот тек на булеварот „Партизански одреди“, кај црквата „Свети Петар и Павле“.
Оттаму информираат дека поставувањето на катадиоптрите ќе се изведува и на други сообраќајници во градот според однапред утврдената програма од Град Скопје.
