Израел ја гради највисоката соларна кула во светот

Во пустината Негрев на југот на земјата, Израел ја гради највисоката соларна кула во светот во рамките на новата соларно термална електрична централа. Кулата Ашалим ќе биде висока 250 метри, а целиот комплекс кој треба да има 50.000 хелиостати (соларни огледала) ќе започне со работа во 2018 година. Се смета дека оваа централа ќе може да обезбеди доволно енергија за 130.000 домаќинства.

Технологијата на соларни електрични централи овозможува рефлектираните сончеви зраци од огледалата да се фокусираат во кулата, по што се трансформира во топлинска енергија и понатаму во електрична енергија. Од друга страна, пак, соларните централи со фотоволтаични панели, директно ја конвертираат енергијата од сонцето во електрична енергија.