ЈСП од следната година ќе започне со набавка на електрични автобуси

Набавката на 50 електрични автобуси, односно 20 зглобни автобуси кои имаат капацитет за најмалку 150 патници и 30 минибуси на електричен погон, ќе започне на почетокот на следната година.

ЈСП во среда ја објави поканата за изразување интерес за учество во меѓународен повик за доделување договор за нивната набавка, кои треба да се достават најдоцна до 18 декември.

Од ЈСП сметаат дека главна цел за набавка на ваков вод автобуси е заштитата на животната средина, како и подобар и поефикасен јавен превоз.