Монументална геометрија вклопена во дизајнерски стол

Монументалноста во дизајнот не е необична ситуација. Некои ја преферираат и ја обожаваат, а некои на таа форма дури и не обрнуваат внимание.

Но, т.н. Monumental Chair, чиј дизајн го потпишува Eray Carabajo е мало уметничко дело во коешто доминира строгата геометрија.

Јасните, правилни структури и силуети во овој концепт се рачно изработени од метална конструкција со видливи споеви. Се работи за стол кој може да се користи и во ентериер и во екстериер благодарение на минималистичката форма и материјалот и премазот, кој ги поднесува сите услови. Сигурни сме дека како „statement“ ќе се вклопи во секој агол во кој сакате нешто монументално да нагласите.