Центар го помести објектот на новото училиште, за да спаси 18 дрвја

Општина Центар ги известува граѓаните дека го помести објектот на новото основно училиште во Капиштец, во склоп на самата градежна парцела, за 2,7 метри. Со ова се спасуваат од сечење 18 дрвја, односно 50 проценти од постоечките дрвја на самата парцела ќе бидат зачувани. Во дворот на новото училиште ќе бидат посадени нови 40 високошколувани дрвја, со што практично бројот на дрва ќе биде зголемен и ќе има вкупно 58.

Во следните неколку денови, „Паркови и зеленило“, јавно претпријатие на Град Скопје, ќе започне со отстранување на дрвјата, од кои најголем дел се стари и заболени.

Општина Центар продолжува со градежните активности за изградба на првото основно училиште во Капиштец.