Недвижностите во Кина – „најголем балон во историјата“

Најбогатиот човек во Кина, магнат во секторот за недвижности, Ванг Џенлинг, предупреди дека кинескиот пазар за недвижности е „најголем балон во историјата“. Ванг, кој е сопственик на конгломератот „Ванда“, кој работи во секторите на недвижности и забава, изјави дека цените на недвижностите продолжуваат вртоглаво да растат во најголемите кинески градови, додека паѓаат во помалите места, каде има голем број непродадени нови градби.