Фасада изработена од градежен шут

Тулите што се користени за формирање на фасадата на оваа куќа во Амстердам, се изработени од компактен индустриски отпад со вкупна маса од 15 тони. Кога двојката архитекти од компанијата Architectuur Maken, одлучиле да го проектираат својот дом помеѓу две веќе формирани целини во центарот на градот, решиле да ја вклопат фасадата од тули со оние на нивните соседи.Високата и тесна зграда, совршено се вклопува во својата околина, и формира тераса со објектите од нејзината лева и десна страна.

Тулите ги обезбедиле преку компанијата StoneCycling, која е специјализирана за изработка на тули од рециклирани материјали, во настојување да се искористи градежниот отпад за да не се оптоваруваат депониите. Start-up проектот го започнале поранешни студенти од Академијата за дизајн во Ајдховен, во 2013 година. Овој проект е првата практична примена на нивните тули од градежен отпад  „WasteBasedBricks“.

Компанијата преку овој проект враќа во повторна употреба 15 тони отпад во распон од керамика до стакло и глина, со цел да се создадат карамел – тонирани тули. Отпадниот материјал е собиран во радиус од 100 милји во околината на фабриката StoneCycling лоцирана во југоистокот на Холандија.