Започна изградбата на нов мост на Сава кој ќе ги поврзува Хрватска и БиХ

Со свечено положување на камен темелник, на 14-ти септември 2016 официјализиран е почетокот на изведбените работи за изградба на мост над реката Сава кај местото Свилај, кој ќе ги поврзува Хрватска и Босна и Херцеговина.

Вкупна вредност на инвестицијата е 22.308.000 евра. Мостот ќе биде долг 640 метри и широк 29 метри со по три сообраќајни ленти во двата правца. Се работи за голем инфраструктурен проект на Коридорот „5-c”, преку кој ќе биде поврзан автопатот од двете страни на реката.

Изведувачи на работите се компаниите “Vijadukt” од Загреб и “Hering” од Широки Бријег.