Медалите за ЛОИ 2020 во Токио ќе бидат изработени од електронски отпад

Членовите на организациониот комитет на Олимписките игри во Токио 2020 веќе и предложија на Владата, олимписките медали да бидат изработени од благородни метали рециклирани од електронскиот отпад. Вообичаено, градовите кои се домаќини на ваквите настани добиваат благородни метали од рударските компании, но бидејќи на Јапонија и недостасуваат рударски ресурси, земјата одлучи да направи чекот напред. И не само поради недостатокот на ресурси, туку првенствено заради посветеноста за одржлив развој и високата еколошка свест, иновативноста е императив за секој поединец на ова општество.

Инаку, Меѓународниот Олимписки комитет веќе има развиено строги критериуми во врска со најголемиот спортски настан во светот, а истото важи и за начинот на изработка на медалите. На пример, на неодамна одржаните ЛОИ во Рио, златото за изработка на медалите е добиено без употреба на жива, а една третина од среброто и бронзата потекнува од рециклирани извори. Отфрлената потрошувачка електроника, како паметните телефони и таблети, содржат одредени количини на благородни метали вклучувајќи платина, злато, сребро и сл.