„Ауди“ планира производство на електричен камион и цистерна

Автомобилскиот гигант „Ауди“ размислува за реализација на проект на автономен електричен камион и цистерна. Независните руски дизајнери Смирнов и Панченко заеднички направиле рендери за проектот „Truck for Audi“. Товарното возило е замислено во две верзии – автономен електричен камион за долги релации по автопатите и електрична цистерна со полутеренски тркала.

Автономниот електричен камион има компактен четвртаст дизајн со мазни површини и големо ветробранско стакло, а поседува и функција на авто пилот. Електричната цистерна има сличен дизајн, но има и кокпит за двајца возачи.