Порта3 – градежништво, архитектура и екологија Порта3 – градежништво, архитектура и екологија
Денес (1 јули) во Штип, во 19:30 часот ќе почне проектот „Културно уметнички центар Текстил“, што е во заедничка реализација на авторот Филип Јовановски со граѓанската иницијатива „Гласно“ (Кристина Ампева, Горан Трајков, Денис Ампев, Елена Трајков-Арсева, Лазе Арсов), како и Кристина Костова, Кристијан Панев и Владимир Лукаш.
КУЦ Текстил има за цел да организира активности кои се осмислени во соработка со повеќе штипјани и во насока на третирање на теми кои се поврзани со локалната индустриска гранка – текстилот.
Главната оска на овој центар, која го придвижува неговото функционирање, е двонеделната програма која обликува уметнички концепт замислен од Филип Јовановски. Оваа програма вклучува повеќе дискусии за работнички права и формите на синдикално здружување, работилници за деца, дискусиони средби, музички настани и друго, и преку неа се обидува да поттикне платформа за размислување и споделување искуства и да создаде релации.
Една од главните активности на центарот е и работењето на организацијата „Гласно“ која се обидува да ги промовира, поттикнува и анализира правата и начините на организирање на текстилните работници во Штип и штипско, со цел подобрување на нивните работнички и животни права.
КУЦ ТЕКСТИЛ е дел од проектот КЗГП (Култура за граѓански промени) на организацијата Факултет за работи што не се учат во партнерство со организациите: Локомотива – Центар за нови инцијативи во уметноста и културата, Скопје, Фондација за развој на локалната заедница, Штип, Плоштад Слобода, Скопје, Центар за современи уметности, Скопје.
Куратор на проектот е Билјана Тануровска – Ќулавковски и стручна соработничка Ивана Васева.
Програма на КУЦ ТЕКСТИЛ во периодот 1-15.07.2016:
Петок, 1 јули 2016
19.30 – 20.00 „Штипски Гибања” – соло изведба на актерката Сања Арсовска во продукција КУЦ Текстил. Перформансот е дел од авторскиот проект(опера) Текстил, на Филип Јовановски и композиторот Владимир Лукаш.
20.00 – 20.30 „Она што беше КУД „Македонка” – Изложба на фотографии од истоимената книга на Благој Самоников. Изложбата е во соработка со Стојан Троицки.
20.30 – 22.30 Штип е И мој град – ДЈ сет на Вера Јанковиќ
22.30-00.00 Equinox Jazz Дуо – Штип
Сабота, 2 јули 2016
10.00 – 14.00 Детско Катче под раководство на Кристина Ампева
„Библиотеката на тркала“ – Фондација за образовни и културни иницијативи Чекор по Чекор – Македонија, Проект на УСАИД „Со читање до лидерство спроведуван од Фондација за образовни и културни иницијативи „Чекор по чекор“
Часови по англиски за деца – Кристина Костова
17.00 – 20.00 Текстилни средби – Во организација на иницијатива ГЛАСНО
Понеделник, 4 јули 2016
19.00 – 21.00 Како до синдикално здружување – Работилница со Милан Живковиќ
Вторник, 5 јули 2016
17.00 – 20.00 Текстилни средби – Во организација на иницијатива ГЛАСНО
20.00-22.00 Текстилни проекции, поетско читање во организација на „Астални проекции“.
Среда, 6 јули 2016
20.00-22.00 Урбани уметнички акции – Изложба во организација на ЦСУ-Скопје
Четврток, 7 јули 2016
19.00 – 21.00 Човековите права на текстилните работници – Работилница за човекови права со Уранија Пировска
Петок, 8 јули 2016
19.00 – 21.00 Човековите права на текстилните работници – Работилница за човекови права со Уранија Пировска
21.00 – 23.00 Престап – Проекција на филм за правата на луѓето со посебни потреби и нивната пристапност до јавните институции – Автори: Весна Ристовска, Ѓорги Пулевски и Симон, Филмот е во продукција на проектната група од проектот Култура за граѓански промени во Битола.
Дискусија со авторите на фимот
Сабота, 9 јули 2016
10.00 – 14.00 Детско Катче под раководство на Кристина Ампева
Работилница за цртање на детски читанки со Владимир Лукаш и Александар Иванов
Саем на книги во организација на Темплум
20.00-21.30 „И фабриките имаат душа“ – филм/фото есеј замислен и реализиран од Јане Алтипармаков и Наташа Гелева
Херои на работничката класа – Самостојна изложба на Наташа Гелева
Разговор со авторите
22.00-23.00 Музички настап на музичко ДУО од Штип
Понеделник, 11 јули 2016
19.00 – 21.00 Како до синдикално здружување – Работилница со Милан Живковиќ
Вторник, 12 јули 2016
19.00 – 21.00 Улогата на женското тело во јавните институции, Работилница и јавна дебата – модератор Славчо Димитров
Учесници: Ивана Драгшиќ, Билјана Гинова, Румена Бужаровска, Вики Младенова, Марина Трајкова.
21.00 – 21.45 Ќе има ли војна? – Соло перформанс на Ивана Атанасовска
20.45 – 22.00 Разговор околу претставата со авторката
Среда, 13 јули 2016
17.00 – 19.00 Читачки средби – Мојот маж , читачка група со Румена Бужаровска и Кристина Костова
Четврток, 14 јули 2016
17.00 – 20.00 Текстилни средби – Во организација на иницијатива ГЛАСНО
Петок, 15 јули 2016
20.00 – 21.00 КУЦ ТЕКСТИЛ – Инсталација на Филип Јовановски и композиторот Владимир Лукаш
Кино Култура Скопје
21.00 – 22.30 Дебата околу целосниот проект КУЦ Текстил
Модератор: Славчо Димитров
Учесници: Билјана Тануровска, Ивана Васева, Ивана Драгшиќ, Кристина Ампева, Горан Трајков
Спроведувањето на проектот „Култура за граѓански промени“ на организацијата Факултет за работи што не се учат е поддржано од Проектот на УСАИД за граѓанско општество, кој го реализира Фондацијата Отворено општество – Македонија.
